Tres poemes de Giorgio Baffo

    

Dedicatoria

Mi dedico ste mie composizion 

Ai omeni, e alle Donne morbinose,

A quelli veramente, che le cose

I varda per el verso, che xe bon.

Sotto le metto alla so protezion,

Acciò, che dalle Teste scrupolose,

Come persone tutte spiritose

I la defenda colla so rason;

Che i diga, che quà drento no ghe xè

Nè critiche, nè offese alle persone,

Che de Dio no se parla, nè dei Rè,

Ma sol de cose belle, allegre, e bone,

Cose deliciosissime, cioè

De Bocche, Tette, Culi, Cazzi, e Mone.

Lode alle tette

Tette fatte de latte, e de zonchiada,

Pastizzetti, che 'l genio m'incitè,

Pometti, che la vita consolè,

Cara composizion inzuccarada.

Tette bianche de neve nevegada,

Cussinello, dove dormirave un Rè,

Panna impetria, che 'gusto innamorè,

Latesini per dar la papolada.

Tette de zensamin, de cao de latte,

Tette, che al zensamin sè do zucconi,

Tette, che nel mio cuor sempre combate,

Tette de darghe mille morsegoni,

Tette, che sè per mi le cose matte,

Tette, chi no ve basa è gran cogioni.

A mitjan del XVIII Giorgio Baffo intueix els canvis a Venècia i a Europa, tot i que, no serà a temps de veure el final de la República Veneciana el 1797.

Sulla mollezza dei veneziani

Estinguendo se và tanti ricconi,
E cesce sempre più la povertà,
le gran teste mancando se ne và,
E no resta de quà, se nò i cogioni.

Se de quei tanti gran politiconi,
Qualche residuo ancora xe restà,
I cogioni xe in tanta quantità,
Ch'i supera quei pochi che xe boni.

No se pensa, ch'all'ozio, al lusso, al ziogo,
E i libri, che se studia sulla sera,
Xe' mazzo delle carte, o quel del Cuogo.

Debotto no ghè più da guera,
E se ghe n'è, questi no hà visto 'l fuogo,
Come puorla durar in sta maniera?