O escritor, o labrador e o carpinteiro

O escritor é escritor en canto escribe. Se non escribe non é un escritor. Un labrador é un labrador en canto cultiva a terra. O escritor, como o labrador, é un supervivente. O escritor e o labrador comparten uns cantos segredos. Un mundo divídese entre os que plantan o maínzo e os que o pisan. O silencio da terra, o papel en branco, pon a proba a quen vale e a quen non. O escritor e o labrador saben que no paraíso haberá que traballar. Para o escritor e o labrador, ao cabo, a vida consiste en ter un cacho de terra onde poder cavar polo menos dous metros de melancolía. Hai outra cousa que asemella o escritor e o labrador. Os dous son amigos do carpinteiro. E o carpinteiro coñece o segredo da Sección Áurea. A proporción entre segmentos.

A: La contracoberta i a "Lely, Lely, par Deus, Lely", capitol a tall de presentació de l'antologia O pobo da noite, de Manuel Rivas. Edicións Xerais de Galicia. 1996